«Հայաստանի փոքրիկ երգիչներ» երգչախումբը գործում է «Հայ փոքրիկ երգիչներ» միջազգային ընկերակցության հովանու ներքո՝ համաձայն ընկերակցության կանոնադրության և սույն կանոնակարգի:
1.«Հայաստանի փոքրիկ երգիչներ» երգչախումբը բաղկացած է երկու հիմնական երգչախմբերից՝ կրտսեր (Ա և Բ խմբեր՝ 6-9 տարեկան) և ավագ (Գ և Դ խմբեր՝ 10-18 տարեկան):
2.Կրտսեր երգչախումբն ունի 2 խումբ /Ա և Բ /, բաղկացած է 3 ձայնաբաժնից:
3.Կրտսեր երգչախումբ կարող են ընդունվել 6-9 տարեկան երեխաները:
4.Ավագ երգչախումբն ունի 2 խումբ /Գ և Դ /, բաղկացած է 4 ձայնաբաժնից:
5.Ավագ երգչախումբ կարող են ընդունվել 10-16 տարեկան երեխաները:
6.Երգչախումբ ընդունվելու համար պարտադիր պայման է երաժշտական դպրոց հաճախելը կամ այն ավարտած լինելը:
7.Երգչախումբ ընդունվելու համար անհրաժեշտ է՝
- լրացնել դիմում-հայտ երգչախմբի գրասենյակում (հասցե՝ Ղազար Փարպեցի 9ա)
- ներկայացնել 3x4 չափսի մեկ լուսանկար, ծննդյան վկայականի պատճեն
- վճարել 1000 դրամ ունկնդրման համար
- մրցույթի ժամանակ կատարել խմբավարների կողմից նախապես տրված երկու երգ:
8. Երգչախմբի փորձերը տեղի են ունենում՝
Ա խումբ՝ երկուշաբթի, հինգշաբթի 18:00-19:30
Բ խումբ՝ երեքշաբթի, ուրբաթ 18:00-19:30
Գ և Դ խմբեր՝ չորեքշաբթի, շաբաթ 18:00-21:00